Random quote: "We can draw lessons from the past, but we cannot live in it." Lyndon B. Johnson (1908 - 1973), December 13, 1963
- (Added by: Tomas Baranauskas) |
|
|
Expert
Posts: 4616
   
Location: in Lettowia in curia nostra | "Codex Diplomaticus Lithuaniae e Codicibus Manuscriptis, in Archivo Secreto Regiomontano Asservatis, edidit Eduardus Raczynski. Vratislaviae, sumptibus Sigismundi Schletter. 1845."
© scanning - Тhietmar. 2005 http://www.vostlit.info/
© OCR - Ibicus. 2005
| |
| | |
Expert
Posts: 4616
Location: in Lettowia in curia nostra | Commissum Innocencii IV. Pontificis Maximi, quo Archiepiscopo Livoniae commendat episcopum Livoniae a rege (Mindovo) recenter gregi fidelium adscripto, nominatum, consecrare, et jus jurandum episcopi sibi mittere.
Innocentius servus servorum dei. Venerabili Fratri. Archiepiscopo Livonie ac Prussie, Salutem et apostolicam benediccionem. Insinuavit nobis pridem Carissimus in christo Filius noster. Illustris Rex Lethovie de novo conversus ad cultum Fidei christiane, quod Ferventer in voto gerebat ut Episcopalis sedes in suis partibus haberetur, maxime cum ipse de novo in expensis suis paratus esset erigere cathedralem ecclesiam, ac ipsam dotare magnifice pro dei gloria et honore. Nos quidem piis ejus desideriis annuentes. tibi sub certa Forma dedimus nostris litteris in mandatis, ut personam ydoneam ad requisitionem ipsius Regis eidem ecclesie auctoritate nostra preficeres in Episcopum et pastorem. Postmodum autem idem Rex per litteras affectione plenas petivit a nobis, ut de Fratre Christiano de domo Theutonicorum in Livonia, viro utique litterato provido et honesto, quem secum tempore sue conversionis habuit, et iuxta se in Futurum habere desiderat, predicte provideri ecclesie Faceremus. Quia vero decens et dignum esse dinoscitur, ut sepedictus Rex benignitatem sedis apostolice gratiosam et affabilem sibi gaudeat invenisse. Fraternitati tue per apostolica scripta mandamus, quatinus de predicto Fratre cum super hoc ab eodem Rege requisitus extiteris. auctoritate nostra ecclesie memorate provideas et associatis tibi duobus vel tribus convicinis Episcopis, ei munus consecrationis impendas. Faciens sibi a subditis obedientiam et reverentiam debitam exhiberi. Recepturus ab eo postmodum pro nobis et ecclesia Romana Fidelitatis solite iuramentum iuxta Formam ....... nostram mittimus interclusam. Formam autem iuramenti quod ipse prestabit, de verbo ad verbum nobis per eius patentes litteras ....... nuncium quantocius destinare procures. Nos enim nichilominus irritum decernimus et inane siquid super hoc contra mandati nostri tenorem contigerent attemptari. Datum Asissii XII Kalend. Septembr. Pontificatus nostri anno undecimo.
(Bulla originalis [parte quadam paullulum laesa] in secreto Arch. Regiomontanensi reposita. Lada III. No. 55.)
| |
| | |
Expert
Posts: 4616
Location: in Lettowia in curia nostra | Transumptum privilegii regis Mindove, quo Episcopo Lithuaniae, Christiano, terras quasdam donat.
In nomine domini amen. Anno Nativitatis eiusdem Millesimo. CCCo. secundo. Indiccione quinta. Sanctissimi in cristo patris ac domini domini nostri Clementis divina providencia pape Sexti anno decimo. mensis martii die ultima. hora vesperarum vel quasi. In presencia mei Notarii et testium subscriptorum ad hoc specialiter vocatorum et rogatorum. Religiosus vir in cristo devotus Frater Goswinus de Herike Magister Fratrum domus Theutonicorum Ierosolimit. per Lyvoniam in domo habitacionis sue in Castro Rige quasdam patentes litteras Olim Myndowe Nobilis Regis Lettowinorum cum vero suo Sigillo integro in pressula pergameni appendenti. non abolitas. non rasas non cancellatas nec in aliqua sui parte viciatas seu suspectas exhibuit et in instrumentum publicum redigi peciit, quarum tenor sonuit in hec verba. Myndowe dei gracia Rex Lettowie. omnibus cristi Fidelibus ad quos presens Scriptum pervenerit Salutem in domino Ihesu. Universitatem vestram scire volumus. quod nos de maturo consilio nostrorum recepimus venerabilem patrem dominum Cristianum. quem consecrari postulavimus in Episcopum Regni nostri, mittentes ipsum in corporalem possessionem assignantes eciam eidem pro dote Rossegene medietatem. Betegallen medietatem Lokowe medietatem. In cuius rei perhennem memoriam presentem paginam Sigillo nostro Fecimus communiri. Acta sunt hec presentibus et consencientibus Filiis nostris Repleu et Gerstuchen. Parbsen Fideli nostro. Anno domini Millesimo. CCoLIIIIo. quarto ydus M ....... domini. Indiccione . mense . die . Pontificatu . et loco prenotatis. Presentibus honorabilibus et Religiosis viris Fratribus. Priori Fratrum predict .... Gardiano fratrum minorum in Riga . quorum Sigillia presencia in testimonium evidencius sunt munita p .... am Famosis ...... dicto Wacken . Goswino de Lamestorpe . et aliis pluribus Fide dignis ad . pre ....... vocatis et rogatis.
[SIGNUM NOTARII]
Et ego Wulfardus de buren. Paderbornensis dyoces. Clericus. Publicus Imperiali auctoritate Notarius, una cum prenominatis testibus exhibicioni prescriptarum litterarum presens interfui et eas de verbo ad verbum Fideliter transcripsi et in hanc Formam publicam redegi . nil addens vel minuens quod viciet sensum aut mutet intellectum . meoque signo consueto et nomine signavi requisitus et rogatus.
(Documentum originale in secreto Arch. Regiomont. repositum. Lada XI. No. 8.)
[Scriptum paullulum laesum ; inde supra notatae lacunae.]
| |
| | |
Expert
Posts: 4616
Location: in Lettowia in curia nostra | Innocentius IV. Pontifex Maximus, Hospitale Ordinis sanctae Mariae theutonicorum in Livonia, specialiter autem castra Allecten, Calve, Selen, Medene et Mitczegale in protectionem suam suscepit.
Innocentius episcopus servus servorum dei. Dilectis Filiis .. Magistro et Fratribus hospitalis sancte Marie theutonicorum in lyvonia. Salutem et apostolicam benedictionem. Sacrosancta Romana ecclesia devotos et humiles Filios ex assuete pietatis officio propensius diligere consuevit, et ne pravorum hominum molestiis agitentur . eos tamquam pia mater sue protexionis munimine confovere. Eapropter dilecti in domino Filii . vestris justis postulacionibus grato concurrentes assensu . personas et hospitale vestrum . in quo divino estis obsequio mancipati . cum omnibus bonis que in presenciarum racionabiliter possidete, aut in Futurum iustis modis prestante domino poteritis adipisci, sub beati Petri et nostra protexione suscipimus Specialiter autem de Allecten . Calve Selen . Medene . Mitczegale Castra seu municiones et eorum villas necnon possessiones et alia bona vestra, omnia iuste ac pacifice possidetis, vobis et per vos hospitali vestro auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre protexionis et confirmacionis infringere vel ei ausu temerario contraire. Si quis autem hoc attemptare presumpserit. indignacionem omnipotentis dei et beatorum Petri et Pauli apostolorum eius se noverit incursurum. Datum Asissii X Kalend. Iunii pontificatus nostri anno undecimo,
(Transsumtum de anno 1393 in secreto Arch. Regiomont. repositum. Lada XI No. 5.)
| |
| | |
Expert
Posts: 4616
Location: in Lettowia in curia nostra | Innocentius IV. Pontifex Maximus confirmat Ordini possessionem aliquarum terrarum, a rege Mindovo illi donatarum.
Innocentius Episcopus servus servorum dei. Dilectis Filiis .. Magistro et Fratribus hospitalis sancte Marie Theutonicorum in Lyvonia Salutem et aposto licam benediccionem. Ex tenore vestre peticionis accepimus. quod carissimus in cristo Filius noster. Illustris Rex Lettowie de novo conversus ad cultum Fidei cristiane. Wangen et Carsouwe terras. ac medietatem locorum que Dainowe et Rassione vulgariter appellantur. necnon quedam alia loca et bona vobis et hospitali vestro prout asseritis pia et provida liberalitate sicut ad eum nosci tur pertinere donavit. Nos itaque vestris supplicationibus inclinati. quod ab eodem Rege in hac parte provide Factum est. et in alicuius preiudicium non redundat. ratum et Firmum habentes id auctoritate apostolica confirmamus et presentis Scripti patrocinio communimus. NuIIi ergo omnino hominum liceat hanc paginam nostre confirmacionis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli Apostolorum eius se noverit incursurum. Datum Assisii XII. kalend. Septembris Pontificatus nostri anno undecimo.
(Transsumtum de anno 1352 in secreto Arch. Regiomont. repositum. Lada XI. No. 11.)
| |
| | |
Expert
Posts: 4616
Location: in Lettowia in curia nostra | Innocentius Papa juramentum Christiani episcopi Lithuaniae, receptum ab archiepiscopo Rigensi, annihilat, et episcopo nuenburgensi jubet, idem a Christiano recipere.
Innocentius Episcopus servus servorum dei Carissimo in christo Filio Illustri Regi Lethovie salutem et apostolicam benedictionem, inclinati serenitatis tue precibus Venerabili Fratri nostro Archiepiscopo Lyvonie ac Pruscie prout accepimus, sub certa Forma dedimus nostris litteris in mandatis, ut kathedrali Ecclesie quam tu in partibus tuis de novo sub propriis expensis erigere ac dotare magnifice intendebas, Venerabilem Fratrem nostrum Christianum Episcopum Lethovie tunc Fratrem presbyterum Hospitalis sancte Marie theuthunicorum in Livonia, ad requisitionem tuam auctoritate nostra preficeret in Pastorem, et ei munus consecracionis impenderet ac debitam obedientiam et reverentiam Faceret a subditis exhiberi, recepturus ab eo postmodum pro nobis et ecclesia Romana Fidelitatis solite iuramentum iuxta Formam quam eidem sub bulla nostra misimus interclusam, sane idem Archiepiscopus prius quam ad ipsum huiusmodi nostre littere pervenissent, de ipso Christiano providit ecclesie memorate iuramentum Fidelitatis sue et ecclesie sue nomine ab ipso recipiens, licet hoc de intentione nostra nullatenus exstitisset maxime cum terra Lethovie sit iuris et proprietatis beati Petri ac pro tue sublimitatis honore nullum ibi esse velimus Episcopum qui alii quam Romano Pontifici sit subiectus, Quia vero tu postmodum a Nobis per affectuosas litteras postulasti ut super hoc providere de circumspectione sedis apostolice curaremus, Nos tuis precibus annuentes, eundem Episcopum ad observanciam predicti iuramenti predicto archiepiscopo taliter prestiti decernimus aliquatenus non teneri, Volumus tamen quod ipse Venerabili Fratri nostro Episcopo Nuenburgensi si cui super hoc scripta nostra dirigimus exhibeat pro nobis et ecclesia Romana Fidelitatis solite iuramentum iuxta Formam litterarum quam super hoc transmisimus Archiepiscopo memorato, Datum Anagnie tercio nonas Septembris Pontificatus nostri anno duodecimo.
(Transumptum originale de anno 1388 invenitur in archivo secreto regiomontano; lada III. No, 61.)
| |
| | |
Expert
Posts: 4616
Location: in Lettowia in curia nostra | Innocentius IV. Papa certiorem facit episcopum Dorpatensem, juramentum Christiani episcopi Lithuaniae coram Archiepiscopo Rigensi praestitum, nullius esse valoris, commendat tamen episcopo dorpatensi, ne permittat eundem Christianum molestari.
Innocentius Episcopus servus servorum dei Venerabili Fratri Episcopo Tarbatensi salutem et apostolicam benedictionem, inclinati precibus Carissimi in christo Filii nostri Illustris Regis Lethovie de novo conversi ad cultum Fidei christiane Venerabili Fratri nostro Archiepiscopo Lyvonie ac Prusie, prout accepimus sub certa Forma dedimus nostris litteris in mandatis, ut kathedrali Ecclesie quam dictus Rex in partibus suis de novo sub propriis expensis erigere ac dotare magnifice intendebat, Venerabilem Fratrem nostrum Christianum Episcopum Lethovie tunc Fratrem presbyterum Hospitalis sancte Marie teuthunicorum in Livonia ad requisicionem Regis eiusdem auctoritate nostra preticeret in Pastorem et sibi munus consecracionis impenderet ac debitam obedientiam Faceret a subditis exhiberi recepturus ab ipso postmodum pro Nobis et ecclesia Romana Fidelitatis solite iuramentum iuxta Formam quam sibi sub bulla nostra misimus interclusam, sane idem Archiepiscopus prius quam ad ipsum huiusmodi nostre littere pervenissent, de ipso providit ecclesie memorate iuramentum Fidelitatis suo et ecclesie sue nomine ab ipso recipiens licet hoc de intentione nostra nullatenus exstitisset, maxime cum terra Lethovie sit iuris et proprietatis beati Petri ac pro eiusdem Regis honore quem a sue conversionis inicio assumpsimus in Filium Ecclesie specialem et Regie dignitatis titulo fecimus insigniri, nullum ibi esse velimus Episcopum qui alii quam Romano Pontifici sit subiectus, Quia vero predicto Rege a nobis postmodum per affectuosas litteras postulante ut super hoc providere de circumspectione sedis apostolice curaremus, Nos eius precibus annuentes ipsum ad observanciam predicti iuramenti taliter prestiti decrevimus aliquatenus non teneri Nos provisionem de ipso factam per Archiepiscopum memoratum quem propter hoc in persona ipsa nullam iurisdictionem volumus optinere, ratam et Firmam habentes ipsam per litteras nostras duximus confirmandam, decernentes irritum et inane si quid postquam litteras nostras super provisione de ipso facienda concessimus sine speciali mandato nostro faciente de illis plenariam mencionem fuit ab aliquo, vel de cetero fuerit attemptatum, quocirca Fraternitati tue per apostolica scripta mandamus, quatenus non permittas eundem Episcopum super hiis contra confirmacionis et constitucionis nostre tenorem, ab aliquibus indebite molestari, molestatores huiusmodi per censuram ecclesiasticam appellatione postposita compescendo non obstante si aliquibus personis loci vel dignitatis a sede apostolica sit indultum quod suspendi vel interdici aut excommunicari non possint, nisi de indulto huiusmodi sibi concesso plena et expressa seu de verbo ad verbum in nostris litteris mencio habeatur. Datum Anagnie duodecimo kalend. Octobris Pontificatus nostri anno duodecimo.
(Transumptum originale de anno 1388 invenitur in archivo regiomontano. Lada III. No. 61.)
| |
| | |
Expert
Posts: 4616
Location: in Lettowia in curia nostra | Privilegium regis Mindove, quo terram Sellen, ordini S. Mariae Theutonic. donat.
Myndowe dei gracia Primus Rex Lettowie universis cristi Fidelibus ad quos presens scriptum pervenerit, salutem in Filio dei vivi. Cum dilecti nobis in cristo Magister et Fratres domus sancte Marie Theuton. in Lyvonia, sua Fideli ac diligenti persuasione de tenebris gencium nos vocarint ut cum ceteris cristi Fidelibus veritalis lumen eo levius agnoscere valeamus, et eorum auxilio mediante dominus apostolicus nos renasci fecerit per unde graciam baptismalis, et de sua solita clemencia, nos in Regem tocius Lettowie fecerit coronari, Cum itaque vigilanti sollicitudine meditaremur, quid ad eiusdem Regni conservacionem et protectionem nobis expediret, Fide conspeximus oculata, nobis fore valde necessarium ac proficuum Fidei cristiane, quatenus circa memoratos Magistrum et Fratres de Lyvonia, Donaciones regias faceremus. Licet tamen eorumdem perutilis Ordo ad huiusmodi ecclesie singulare subsidium, a domino sit feliciter institutus, ut ipsi in assistendo nobis eo fore valeant forciores, et nos eo liberius ac potencius impugnatoribus Regni nostri, Fidei que rebellibus resistere valeamus . et cum eciam nemo cogetur suis Stipendiis militare . de consensu heredum nostrorum predictis Magistro et Fratribus in Lyvonia Terram que Selen dicitur, videlicet Medene. Pelone. Maleysine. Thooraxe, cum suis attinenciis duximus assignandam, perpetuo libere possidendam. In cuius itaque Facti perhennem memoriam presentem paginam sigilli nostri munimine fecimus roborari. Datum anno Mo. CCo. Lvo. Mense Octobris.
(Privilegium originale invenitur in archivo secreto regiomontano cum sigillo regali Mindovae. Lada XI. No. 9.)
[In transumpto hujus privilegii sigillum Mindovae sic describitur: ln Sigilli caractere erat sculpta ymago
Regis sedentis cum sceptro in manu dextra et in manu sinistra cum pomo et una cruce super dicto pomo et in
eius circumferenciis erant scripta verba que secuntur posl quandam crucem, videlicet. Myndowe dei gracia
Rex Litowie.)
| |
| | |
Expert
Posts: 4616
Location: in Lettowia in curia nostra | Rex Mindove donat ordini in Livonia aliquas terras ea conditione, ut ordo ei contra inimicos crucis auxilio assistet.
Myndowe dei gracia Rex Lettowie . universis presentes litteras inspecturis Salutem in nomine Ihesu cristi. Quum inspiracionis divine gracia faciente per consilium dilectorum nobis in cristo . . Magistri et Fratrum domus Theutonice de Lyvonia de tenebris gencium in ecclesie Ihesu cristi lumen sumus vocati ac renati per unde graciam baptismalis ac Sanctissimus Pater ac dominus noster Innocencius papa quartus personam . regnum et omnia bona nostra iurisdiccioni ac proteccioni apostolice Sedis subiciens auctoritate sua nos fecit coronari in Regem tocius Lettowie ac terrarum omnium quas divine virtutis auxilio iam eripuimus de infidelium manibus vel eripere potuerimus in futurum . ut Fine laudabili valeat consumari . quod in nobis est inchoatum. Fideique rebelles et turbatores regni nostri manu potenti reprimere valeamus . necessarium nobis vidimus . . Magistri et Fratrum auxilium predictorum . quod et ipsi nobis ferendum ut in eorum litteris super hoc confectis plenius continetur, sub iureiurando firmiter promiserunt. Quamvis autem milicia eorumdem Fratrum ordinis instituta noscatur contra Fidei et ecclesie turbatores et ipsi nobis sicut et plus quam ceteris cristiauis auxilium suum ferre essent parati absque obligacionis vinculo speciali et vitain eternam sufficiens sibi stipeudium reputarent . tamen ut suam obligacionem in hac novitate nobis maxime necessariam efficatius in auxilio nobis ferendo valeant observare . terras inferius nominandas domui eorum de consensu heredum nostrorum contulimus cum omnibus attinenciis libere possidendas . ea condicione interposita . ut ipsi Fratres per se ac suos in expensis propriis materiali gladio auxilio et consilio nobis ac regni nostri legitimis successoribus assistant perpetuo contra nostros ac Fidei inimicos. Nomina autem terrarum hec sunt. Rasseyene medietatem. Loukowe medietatem. Betegalle medietatem. Ergalle medietatem. Deynowe medietatem. Pamemene medietatem. Kulene totum. Carsowe totum. Crase totum. Niderowe totum. Weyzze totum . aliud Weyzze totum. Wanghe totum. In huius itaque rei testimonium presentem paginam sigilli nostri munimine Fecimus roborari. Datum anno dominice incarnacionis. Millesimo ducentesimo . quinquagesimo septimo.
(Transumptum invenitur in archivo secreto regiomontano. Lada XI. No. 11.)
| |
| | |
Expert
Posts: 4616
Location: in Lettowia in curia nostra | Alexander IV. Papa, regante rege Mindovo, confirmat donationem terrae Selen ordini theutonico, a rege factam.
Alexander episcopus servus servorum dei, dilectis Filiis Magistro et Fratribus hospitalis sancte Marie Theutonicorum in livonia Salutem et apostolicam benedictionem. Cum a nobis petitur quod iustum est et honestum tam vigor equitatis quam et ordo exigit racionis, ut id per solicitudinem officii nostri ad debitum perducatur effectum. Exhibita siquidem nobis vestra peticio continebat, quod carissimus in cristo Filius noster. M. Rex Littowie illustris terras Selen . videlicet Medone. Pelone, Malesine et Theuraxe cum suis pertinenciis prout spectabat ad eum, vobis pia et provida liberalitate contulit perpetuo possidendas prout in patentibus litteris eius confectis exinde ac suo Sigillo signatis plenius continetur. Nos itaque vestris supplicacionibus inclinati, quod super hoc ab eodem Rege pie ac provide factum est ratum et firmum habentes, id auctoritate apostolica confirmamus et presentis scripti patrocinio comunimus. Tenorem autem litterarum ipsarum de verbo ad verbum presentibus fecimus annotari, qui talis est. Sanctissimo Patri ac domino sacrosancte Romane Sedis summo pontifici Alexandro Myndowe dei gracia Rex Littowie filialem obedienciam et constantissimam in domino caritatem, ac devota pedum oscula beatorum. Cum dilecti nobis in cristo Magister et Fratres domus sancte Marie Theutonicorum in Livonia sua Fideli ac diligenti persuasione de tenebris gencium nos vocarint, ut cum ceteris cristi Fidelibus veritatis lumen eo Ievius agnoscere valeamus, ut eorum auxilio mediante apostolicus III. iiii. predecessor vester Felicis memorie nos renasci Fecerit per unde graciam baptismalis et de sua solita clemencia nos in Regem tocius Littovie fecerit coronari ut idem Regnum a nobis et nostris successoribus pacifice valeat gubernari . vidimus nobis fore valde necessarium ac proficuum Fidei cristiane ut circa quaslibet donaciones regias Faceremus. Cum itaque memorati Magister et Fratres in Livonia nostri constantissimi cooperatores et Fidelissimi promotores suum ferre nobis auxilium sint parati ut in auxilio nobis ferendo eo fore valeant forciores et ad hoc explendum eis etiam suppetant Facultates de consensu heredum nostrorum eisdem Magistro et Fratribus terram que Selen dicitur . videlicet Meddone Pelone Maleisine Thouraxe cum suis attinenciis contulimus perpetuo possidendam. Supplicamus igitur benignitati vestre, quatenus eandem donacionem circa predictos Magistrum et Fratres a nobis provide factam ratam et gratam habentes, eam patentibus papalibus litteris dignemini confirmare . et Magistro et Fratribus domus Theutonicorum in Livonia per exhibitorem presencium destinantes. Datum Anno domini Millesimo Ducentesimo Quinquagesimo quinto Mensis Octobris. Nulli ergo omnino hominum liceat hanc paginam nostre confirmacionis infringere vel ei ausu temerario contraire. Si quis autem hoc attemptare presumpserit indignacionem omnipotentis dei et beatorum Petri et Pauli apostolorum eius se noverit incursurum. Datum Viterbii III Ydus Julii Pontificatus nostri anno tercio.
(Transumptum originale de anno 1393 invenitur in archivo secreto regiomontano. Lada XI. No. 10.)
| |
| | |
Expert
Posts: 4616
Location: in Lettowia in curia nostra | Mindove rex Lithuaniae donat ordini in Livonia terras Schaloven, Seymeten et Samniten.
Myndowe dei gracia Rex Lettowie . universis cristi Fidelibus presentes litter(a?)s inspecturis salutem in nomine Ihesu cristi. Quoniam inspiracionis divine gracia faciente per consilium dilectorum nobis in cristo . . Magistri et Fratrum domus Theutonice in Lyvonia de tenebris gencium in ecclesie Ihesu cristi lumen vocati sumus ac renati per unde graciam baptismalis ac Sanctissimus Pater ac dominus noster Innocencius papa quartus personam, Regnum et omnia bona nostra iurisdiccioni ac proteccioni apostolice sedis subiciens auctoritate sua nos fecit coronari in Regem totius Lettowie ac terrarum omnium . quas divine virtutis auxilio iam eripuimus de infidelium manibus vel eripere poterimus in futurum . ut fine laudabili valeat consumari . quod in nobis inchoatum est Fideique rebelles turbatores regni nostri manu potenti reprimere valeamus . necessarium nobis vidimus Magistri et Fratrum auxilium predictorum . quod el ipsi nobis ferendum, ut in eorum litteris super hoc confectis plenius continetur . sub iureiurando firmiter promiserunt. Quamvis autem milicia eorumdem Fratrum ordinis instituta noscatur contra Fidei et ecclesie turbatores et ipsi nobis plus quam ceteris cristianis auxilium suum ferre essent parati ad resistendum inimicis Fidei absque obligacionis vinculo speciali vitam eternam sufficienssibi stipendium reputantes . tamen ut suam obligacionem nobis in hac novitate maxime necessariam efficacius in auxilio nobis ferendo valeant observare, terras inferius nominatas domui eorum de consensu heredum nostrorum contulimus libere ac quiete perpetuo possideudas . nichil nobis iurisdicciouis vel dominii in eisdem reservantes . ea condicione interposita . ut ipsi Fratres per se ac suos, in propriis expensis materiali gladio . auxilio . et consilio . nobis ac regni nostri legitimis heredibus assistant perpetuo contra Fidei inimicos regni nostritemrinos infestantes. Nomina autem terrarum hec sunt. Denowe tota . quam eciam quidam Ietwesen vocant . exceptis quibusdam terrulis, scilicet Sentane. Dernen. Cresmen . et villa Gribiniten Gubiniten dicitur . cum tribus villis in Welzowe quas nostro dominio reservamus. Insuper dedimus Fratribus prelibatis terram Schalowen. Seymeyten totam . illis duntaxat bonis in ipsa Seymeta exceptis, que venerabili patri ac domino Lettowie Episcopo contulimus . prout in litteris desuper confectis plenius continetur. Hanc eciam ipsis graciam facimus specialem cum heredum nostrorum consensu et voluntate liberaliter et libenter . ut quicunque in regno vel dominio nostro Fratribus ipsis de bonis suis tam mobilibus quam immobilibus in toto vel in parte aliquid dederit vel in testamento legaverit sive a nobis teneantur in Feudo seu dancium vel Jegancium sint propria tamquam alia bona sua, que ipsis contulimus . libere possidere valeant perpetuo et habere. In cuius itaque donacionis ordinacionisque perhennem memoriam, presens privilegium inde confectum sigilli nostri munimine Fecimus roborari. Datum Anno domini Millesimo. CC°. LIX°. Septimo ydus Augusti.
(Privilegium originale in archivo secreto regiomontano. Lada XI. No. 12.)
| |
| | |
Expert
Posts: 4616
Location: in Lettowia in curia nostra | Transumptum 1) privilegii Christiani episcopi Lithuaniae, quo ordini in Livonia donat decimas in terris ordini a rege collatis. 2) confirmationis hujus privilegii ab Alexandro IV. Papa.
In nomine domini amen. Anno Nativitatis eiusdem Millesimo. CCC°. quinquagesimo secundo. Indiccione quinta Sanctissimi in cristo Patris ac domini . domini nostri Clementis providencia pape sexti anno deciino Mensis marcii die septima hora terciarum vel quasi. In presencia mei Notarii et testium subscriptorum ad hoc specialiter vocatorum et rogatorum Religiosus vir in cristo devotus Frater Goswinus de Herike Magister Fratrum domus Theutonicorum Jerusalem . per Lyvoniam in domo hahitacionis sue in Gastro Rige quasdam patentes litteras. Olim Reverendi in cristo patris ac domini. domini Crisfiani Episcopi Lettowie cum vero suo Sigillo integro et illeso in filis sericeis rubeis et glaucis permixtis appendenti . non abolitas non rasas non cancellatas nec in aliqua sui parte viciatas seu suspectas . exhibuit . et in instrumentum publicum redigi peciit. quarum tenor sequitur in hec verba.
Universis cristi fidelibus ad quos presens Scriptum pervenerit Frater Cristianus ordinis Fratrum Theutonicorum dei gracia Episcopus Lettowie Salutem in Filio dei vivi. Cum universalis matris ecclesie inter ceteros crisli fideles potissimi debitores eo amplius ecclesiam Lettowie nobis commissam, adhuc novellam et teneram sollicitudine non pigra debemus prevenire . quo dilatacionem ipsius et prosperitatem amplecti ex debito cogimur incessanter. Cogitantibus itaque nobis quid ad eius promocionem expediret . oculis nostris aspeximus . quod siue adintorio eorum . scilicet Fratrum domus sancte marie Theutonicor . de quorum auxilio fides in partibus estonie . lyvonie . Curonie et Prutzie multipliciter est promota . et adhuc frequenter promovetur . eadem ecclesia accipere non posset incrementum . nec eciam persistere valeret ullo modo . ut ipsi tanto libencius nos et nostram ecclesiam tueantur ab hostium insultibus . et negocium fidei eo validius prosequi valeant in expensis, eis dimittimus decimam terrarum illarum . quas ab Illustri Principe domino Myndowe Rege Lettowie possident . sicut in suis litleris super hoc confectis plenius continetur, iure perpetuo possidendam. Si eciam a predicto Rege vel ab aliquibus aliis memoratis Fratribus aliqua terra conferatur, eos gaudere volumus iure supradicto . cum nemo propriis cogatur stipendiis militare, nichil nobis in eisdem terris iuris reservantes. preter ea que non possunt nisi per Episcopum exerceri . cum autem racione officii nostri ecclesias eorum visitabimus . nobis cum duodecim equitaturis venientibus . archidyacono vero nostro cum septem semel in anno necessaria ministrabunt. In cuius rei perhennem memoriam . ne qua super premissis questio in posterum vel ambiguitas oriatur . presentem paginam Sigilli nostri munimine duximus roborandam. Datum in riga . presentibus domino Johanne basone nostro Capellano. Fratre Hermanno nostro Fratre. Fratre Ludewico Commendatore de riga. Fratre burchardo Commendatore de Wenda. Fratre Georgio Commendatore de Sigewalde et quampluribus aliis. Anno domini M°. CC°. LIIII°. VIII°. ydus Aprilis.
Alias autem litteras. Olim sanctissimi in cristo patris ac domini . domini nostri Alexandri pape quarti cum vera bulla plumbea in filis rubeis et glaucis sericiis appendenti . non abolitas non rasas . non cancellatas . non viciatas in aliqua sui parte seu suspectas exhibuit et pari forma in instrumentum publicum redigi peciit. Quarum tenor sequitur in hec verba.
Alexander Episcopus servus servorum dei Dilectis Filiis . . Preceptori et Fratribus hospitalis Sancte Marie Theuton. in Lyvonia Salutem et apostolicam benediccionem. Solet annuere sedes apostolica piis votis et honestis petencium precibus favorem benivolum impartiri. Exhibita siquidem nobis vestra peticio continebat . quod cum carissimus in cristo Filius noster Illustris Rex Lettowie considerans se de spurciciis paganorum per inspiracionis divine graciam et stu¬dium vestre sollicitudinis venisse ad cultum catholice puritatis ac propter hoc vos prosequens pia benignitatis affectu . quasdam terras tunc ad eum pertinentes . vobis pia liberalitate donasset. Venerabilis Frater noster Episcopus Let¬towie loci dyocesanus . qui nullum Capitulum obtinet, diligenter attendens . partes illas que sunt novella plantacio sine vestre defensionis subsidio non posse subsistere contra inpetus paganorum, omnes decimas proventuras in terris eisdem vobis, prout spectabant ad ipsum diligenti prehabita deliberatione concessit, sicut in patentibus litteris confectis exinde plenius dicitur contineri. Nos itaque vestris supplicationibus inclinati . quod ab eisdem Rege ac Episcopo super premissis provide factum est, ratum et firmum habentes . id auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre confirmacionis infringere vel ausu temerario contraire. Siquis autem hoc attemptare presumpserit . indignacionem omnipotentis dei et beatorum Petri et Pauli Apostolorum eius se noverit incursurum. Datum Anagnie VIII kalendas Februarii Pontificatus nostri Anno sexto. Actum anno domini. Indiccione . mense . die. Pontificatu et loco prenotatis . presentibus honorabilibus et Religiosis viris Fratribus. Priore Fratrum predicatorum et . . gardiano Fratrum minorum in Riga, quorum Sigillis presencia in testimonium evidencius sunt munita. Presentibus eciam famosis famulis Johanne de Wacken. Marquardo bixovede et Johanne dicto boleman cum aliis pluribus fidedignis ad premissa testibus vocatis et rogatis.
(Bulla originalis invenitur in archivo secreto regiomontano. Capsa XI. No. 7.)
| |
| | |
Expert
Posts: 4616
Location: in Lettowia in curia nostra | Mindowe rex Lithuaniae donat ordini in Livonia totum regnum suum. si sine legitimis heredibus decedat.
Myndowe dei gracia Rex Lettowie universis cristi fidelibus presentes litteras inspecturis. Salutem in nomine Jhesu Cristi. Quamvis inspiracionis divine gracia faciente per consilium dilectorum nobis in cristo Magistri et Fratrum domus Theutonice in Lyvonia. de tenebris gencium in ecclesie ihesu cristi Iumen vocati simus ac renati per unde graciam baptismalis et Sanctissimus pater et dominus noster Innocencius papa quartus ad instanciam et operam efficacem predictorum magistri et Fratrum personam nostram. Regnum nostrum et omnia bona nostra Jurisdiccioni sedis apostolice subiciens . auctoritate sua nos fecerit corooari in Regem tocius Lettowie . ac terrarum omnium . quas divine virtutis auxilio iam eripuimus de infidelium manibus vel eripere poterimus in futurum. Tamen ante nostram conversionem et post tam nos quam regnum nostrum Lettowie per aliquos cristiane fidei inimicos et aliquorum apostasiam sic turbati fuerimus et concussi quod nisi dictorum magistri et Fratrum magnum consilium et auxilium nobis affuisset totum regnum nostrum fuisset cum subversione fidei annullatum. Unde nos considerantes labores et expensas ac voluntatem magistri et Fratrum prenominatorum que in promocione nostre persone. Regni nostri ymmo pocius fidei cristiane habuerunt. de consilio voluntate et consensu heredum nostrorum nostrorumque nobilium totum regnum nostrum Lettowie. et omnes terras adiacentes quocunque nomine censeantur. exceptis terris et iure episcopali. domino Episcopo Lettowie in dicto regno nostro deputatis. sepedictis magistro et Fratribus de domo Theutonica in Lyvonia dedimus contulimus et donavimus. et presencium tenore donamus in verum ius et proprietatem sue religionis. Ita tamen si nos sine legittimis heredibus decedere contingeret Transferentes in ipsos ex nunc ut ex tunc dominium et possessionem tocius regni Lettowie supradicti. In cuius translate possessionis iudicium Conventum Fratrum predictorum in nostra curia collovavimus speciali Et licet varias et diversas donaciones prius fecerimus circa Fratres memoratos. sicud in litteris inde confectis continetur. Tamen hanc piam nostram et providam donacionem factam predictis magistro et Fratribus ac successoribus eorumdem. tamquam nostris principalibus coadiutoribus aliarum precedencium donacionum conclusionem esse volumus plenariam et finalem. In cuius rei perpetuam memoriam ut prehabita nostra donacio robur obtineat firmitatis. hanc certam inde conscribi et nostri sigilli munimine fecimus confirmari. Huius autem donacionis testes sunt. Venerabilis dominus Culmensis Episcopus et magister Andreas Fratrum predictorum ac Fratres sui. Langwinus sororius noster. Lygeyke Schabbe. Bixe. Bune. nostri Barones et consangwinei. Parbusse de Nere. Gerdine de Nailse. Vege. Veseyele. Ibid. et Parbusse junior. De Fratribus predicatoribus Frater Syndarinus. de Fratribus minoribus Frater Adolphus et sui socii. et alii quam plures fidedigni. qui omnes simul et semel dicte donacioni nostre a nobis provide facte Magistro et Fratribus. ac eorum successoribus supradictis fuerunt vocati ad hoc in testimonium premissoruni. Datum Lettowie in Curia nostra anno domini Millesimo Ducentesimo Sexagesimo. In medio Mensis Junii.
(Transumptum originale de anno 1392 invenitur in archivo secreto regiomontano. Capsa XI. No. 15 et 14.)
| |
| | |
Expert
Posts: 4616
Location: in Lettowia in curia nostra | Burchardus de Suanden Magister generalis Ordinis S. Mariae Theuton. confirmat divisionem terrarum, a Lithuania avulsarum, inter ordinem in Livonia et in Prussia.
Frater Burchardus de Svanden Magister generalis Hospitalis sancte Marie Theutonicorum Jerusal., Religiosis viris ac discretis Fratribus Preceptoribus terrarum Livonie et Pruscye ordinis sacre domus Theuton. Salutem, cum noticia subscriptorum, Cum a nobis petitur quod iustum est et honestum, tam vigor equitatis quam ordo exigit racionis ut id per sollicitudinem nostri officii ad debitum perducatur effectum, et ea que fraterna concordia et amicicia terminantur firma debent postmodum illibata persistere, et ne in recidive contencionis scrupulum relabantur, paterno convenit presidio firmiter communiri. Exhibita siquidem vestra peticio, quam nobis porrexistis, continebat, ut conposicionem seu divisionem terrarum Schalwen, Karsowe, Twerkiten ac aliarum provinciarum per vos et maturos Fratres vestros factam, in quibus domino vobis opitulante edificare et insedere intenditis, vellemus nostro suffragio confirmare. Nos igitur vestris iustis votis et postulacionibus inclinati, divisionem ipsam sicut absque pravitate provide facta et gesta fore dinoscitur ab utraque parte Fratrum nostrorum sponteque recepta necnon prout in litteris super hoc confectis vidimus plenius et planius contineri, auctoritate nostra confirmamus et presentis scripti patrocinio firmiter communimus. Datum Rome, anno domini M°. CC°. LXXX°. IX°. septimo Jdus Februar. indiccione secunda.
(Transumptum originale cum sigillo magistri generalis invenitur in archivo secreto regiomontano. Capsa XI. No. 2.)
| |
| |
Jump to page : 1
Now viewing page 1 [25 messages per page] |  |
|
Acta diplomatica Lithuaniae, regnante Mindovo rege
